|
|||||||||
|
#1
10-06-2008, 07:16 PM
|
|||
|
|||
الشاعر / ذايب بن عوض بن هلال الكاف العقيلي
هذه القصيده من نظم شاعرنا الكبير ذايب ابن عوض ( ابو عثمان ) ومناسبتها عندما كان خارج المملكة للعلاج ومسنده للشاعر / صنت ابراهيم ابو محمد ويقوووول فيها : يابـو محمـد نبـا دار المعازيبـي انهض على الجيب عن عمان وترابه نبا الجماعة ما ابـا دار الأجانيبـي بعد قضينا غرضنا ويـش نبغابـه الشمس تطلع علينا الصبح وتغيبـي في راس ضلعن يهيل القلب بهضابه والحر يشهر على روس المراقيبـي والرجل ليا عز نفسه تكثر اصحابـه واليا نويت السفر خلك كما الذيبـي في دار الأجناب واللي حولك ذيابـه واليا طلبت اطلب اللي يعلم الغيبـي الواحد اللي لعبـده فاتـح ابوابـه يالله تغفـر لعبـدن مالـه مجيبـي إلا انت تغفر لعبدك وانتـه ادرابـه وترى السفر فيه خير وفيه تأديبـي تفريج هم(ن) وتكسب علم واسبابه وإلنا مع الوقت بالغربـه تجاريبـي بالعز وإلا السفاهـه مامشينـا بـه ورحنا وجينـا ولا فينـا عذاريبـي والطيب عاداتنـا يالقـرم نسعابـه والجيب يسلم ويسلم راعي الجيبـي خوينا اللي مـع الفرجـه غزينابـه وصلاة ربـي عـدد ذار الهباهيبـي على رسولاً دعـاه الله وآجااااااابـه 
|
|
#3
10-08-2008, 12:25 PM
|
|||
|
|||
مشكور وماقصرت شاعر ماشالله عليك صح لسانك
|
 |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض العادي
|
|
الساعة الآن 10:23 AM.
Powered by vBulletin® Version 3.7.2
Copyright ©2000 - 2009, Jelsoft Enterprises Ltd diamond
Copyright ©2000 - 2009, Jelsoft Enterprises Ltd diamond